acompañados por
Xosé Ambás (Xosé Antón Fernández)
Dicin que yo t'invento
llingua por mi nomada,
como s'inventa la rosa,
rosa namái na pallabra.
Dicin que la voz perpura
de los vaqueiros d'alzada,
fíxose d’afechu muda
cuando baxó de la braña.
Que tol verdor d'Asturies
xorrez con flor castellana,
que me quedé ensin paisanos
que m'entonen la tonada.
Qu'estos montes, qu'estos valles
per onde la vida pasa
t´entallaren callandino
pa nun sacate de casa.
Dicin que yo t'invento
llingua por mi nomada,
porque te peño la lluz
que t'escluco na ventana.
Dicin que yo t'invento
porque te saco de casa,
y fáigome faladeru
cuntando… lo que nos pasa.
———————
Nota: la letra fue tomada del «Romance d'una llingua» de Manuel Asur.
 |
| Escudo de Asturias |
